Jafnréttismál
Við fögnum fjölbreytileika
Hjá Coca-Cola á Íslandi er lögð mikil áhersla á að allt starfsfólk upplifi að það sé velkomið eins og það er, að það sé metið að verðleikum og finni að það tilheyri liðsheildinni.
Við skiptum jafnréttismálum niður í fimm áherslusvið: Kyn, aldur, menningarbakgrunnnur, LGBTQ+ og fötlun.
Fyrirtækið vinnur markvisst að því að ná til alls starfsfólks og tekur frumkvæði að því að hlusta á það, t.d. með reglulegum viðhorfskönnunum og sérstökum jafnréttishópum.
Við berum öll ábyrgð á því að hlúa að þessari menningu og leggjum okkur einlægt fram um að samstarfsfólk okkar sé haft með, að borin sé virðing fyrir öllum og að við bregðumst við ef við verðum þess vör að eitthvað megi betur fara.
Kyn
Jafnrétti kynjanna er það svið sem Coca-Cola á Íslandi hefur náð mestum árangri á undanfarin ár. Í jafnréttisáætlun okkar er lögð sérstök áhersla á jafnrétti kynjanna en þar er meðal annars kveðið á um kynjahlutfall í störfum, jafnlaunastefnu, jafnvægi milli vinnu og einkalífs og forvarnir gegn kynbundu áreiti.
LGBTQ+
Þú ert velkomin/ið/inn! Við horfum fyrst og fremst á hæfni hvers einstaklings, burt séð frá kynvitund eða kynhneigð. Sérstök fræðsla sem snýr að ómeðvituðum fordómum gagnvart hinsegin fólki hefur verið haldin á vegum Samtakanna ’78 og verður þeirri vegferð haldið áfram.
Fötlun
Við höfum öll okkar styrkleika. Starfsfólk fyrirtækisins hefur misjafna getu og er umsækjendum ekki mismunað á grundvelli fötlunnar. Fyrirtækið reynir ávallt að koma til móts við þarfir starfsfólks og aðlagar starfsstöðvar eftir því sem við á og þar sem því verður við komið.
Aldur
Við fögnum fjölbreytileika því hann er styrkleiki sem færir okkur ólík sjónarmið sem efla fyrirtækið. Starfsfólk á öllum aldri hefur sama rétt til starfstækifæra og starfsþróunar hjá fyrirtækinu.
Menningarbakgrunnnur
10% starfsfólks okkar er af erlendu bergi brotið. Stefna okkar er að öll innri samskipti fari fram á íslensku og ensku til að sem flest séu upplýst um það sem fram fer innan fyrirtækisins. Í sérstökum tilvikum eru túlkar fengnir til að tryggja góðan skilning hjá öllum.
Jafnlaunavottun
Coca-Cola á Íslandi hlaut fyrst jafnlaunavottun í júní 2018, og aftur 2021. Jafnlaunastefnu okkar er hægt að nálgast neðar á síðunni.
Þróun á jafnrétti kynja í tölum
| 2022 | 2021 | 2020 | 2019 | 2018 | 2017 | 2016 | |
| Launamunur kynja | 1%* | 0,2% | 1,1% | 1,2% | 2,7% | 4,7% | |
| Fjöldi kvenna í stjórnendastöðum | 50% | 50% | 50% | 50% | 50% | 38% | 32% |
| Fjöldi kvenna í öllum stöðum | 26% | 25% | 25% | 24% | 24% | 24% | 23% |
*Konum í vil.